Ingvar Hovland, Gunnar Roalkvam og Knut Gundersen

Beskrivelse

Me er svært glade for å få sjøhusbesøk av Ingvar Hovland, Gunnar Roalkvam og Knut Gundersen. Trioen har vore mykje på farten den siste tida, med stort sett fulle hus og svært gode tilbakemeldingar: Strålende visekveld på Haugesund Bibliotek . Knut Gundersen, Ingvar Hovland og Gunnar Roalkvam leverte viser, tekster og revytekster til stor begeistring. Eivind Juul i Haugesund Viseklubb En utrolig fin kveld med velfortjent stående applaus. Helge Lyster i Stavanger Viseklubb De tar oss med til en plass som det er godt å vera. En fantastisk kveld i viseklubben. Påfyll Gunnar Roalkvam og Ingvar Hovland treng ikkje mykje presentasjon. Begge er kjende som fantastiske formidlarar, mellom anna som tekstforfattarar for ei lang rekkje artistar. Knut Gundersen er ein viseveteran frå Haugesund, no busett på Nærbø. Det blir rapportert at framsyninga treff både tårekanalane og lattermusklane når dei tre opptrer. Knut Gundersen og Gunnar Roalkvam har hatt eit samarbeid i over 25 år, noko som resulterte i den kritikarroste CD-en « Når lite er nok »: https://open.spotify.com/album... Gjennom Knut si faste gruppe, 2 me og to te, vart det òg opptredenar saman med Ingvar, og deira aktuelle «Voggesang» har over 5000 avspelingar på Spotify: https://open.spotify.com/track... Sjå fram til ein lun vise- og lyrikkveld med ei blanding av god humor og tekstar til ettertanke.