Eivind Groven – 125 år: Øyonn Groven Myhren, Ottar Kåsa, Lars Henrik Johansen og Johannes Martens

Beskrivelse

Eivind Groven – 125 år: Øyonn Groven Myhren, Ottar Kåsa og Lars Henrik Johansen Sundag 9. august 2026 Bø gamle kyrkje, kl. 13:00 – 14:00 285,- ink. bill.avg. I høve 125-årsjubileet for Eivind Groven vert det invitert til konsert i Bø gamle kyrkje tileigna Groven si rike musikalske arv. Eivind Groven er kjend for sine særeigne komposisjonar og sitt banebrytande arbeid med reinstemming, mellom anna gjennom utviklinga av det reinstemde orgelet. Musikken hans opnar for klangar og uttrykk som skil seg ut, med ei djup forankring i folkemusikken og eit sterkt personleg tonespråk. I denne konserten tek Øyonn Groven Myhren – Groven sitt eige barnebarn – med seg arven vidare. Saman med Ottar Kåsa og Lars Henrik Johansen presenterer ho eit nytt konsertprogram med utgangspunkt i bestefaren sine komposisjonar. Her får publikum høyre både kjende og mindre kjende verk, og ikkje minst fleire som aldri før har vore framførte. Møtet mellom kveding, hardingfele og harpsikord skapar eit klangleg landskap som løftar fram nye sider ved Groven sin musikk. Med si unike atmosfære dannar Bø gamle kyrkje ei vakker og verdig ramme rundt konserten. Her ligg alt til rette for ei nær og fin musikalsk oppleving – ei hyllest til ein av våre mest særmerkte komponistar, og eit møte mellom tradisjon, nyskaping og levande formidling. Velkomen!